ஊரோடி: June 2007

வெள்ளி, ஜூன் 29, 2007

நான் புதுவீட்டுக்கு போயிட்டேன்....

கன காலமா புளொக்கரில இருந்து வந்த ஊரோடி இப்ப புது வீட்டுக்கு(www.oorodi.com) போயிட்டுது. வந்து பாத்து விருந்தெல்லாம் சாப்பிட்டுட்டு போங்க.....

இப்பிடி இருந்த நான்

இப்பிடி ஆகிட்டேன்.

0 பின்னூட்டங்கள்:

பின்னூட்டம் ஒன்றை இட

புதன், ஜூன் 27, 2007

Google docs updated

கூகிள் நிறுவனம் தனது docs மற்றும் spreadsheet இனை வடிவமைப்பு மற்றும் சில வசதிகளில் மேம்படுத்தி இருக்கின்றது. இதனால் முன்னரை விட இப்பொழுது கோப்புகளை இலகுவாக ஒழுங்குபடுத்தி பயன்படுத்த முடிகின்றது.

இப்பொழுது உங்களால் உங்கள் கோப்புகளை folder களில் ஒழுங்கு படுத்தி வைக்க முடியும். (drag and drop வசதி கூட உண்டு). அத்தோடு அதன் முகப்பு அழகாகவும் உள்ளது. ஒரு முறை சென்றுதான் பாருங்களேன்.

1 பின்னூட்டங்கள்:

நமக்குப் பிடித்த ஜிமெயில் இடைமுகப்பை அடுத்தடுத்து கூகுள் ரீடர், டாக்ஸ் என்று அறிமுகப்படுத்தி வருகிறார்கள். செய்திக்கு நன்றி

மறுமொழிந்தது

அ. இரவிசங்கர் | A. Ravishankar, @ 5:02 PM

பின்னூட்டம் ஒன்றை இட

சிவாஜி (அட யாழ்ப்பாணத்திலயும்..)

கனகாலத்துக்கு பிறகு நண்பர்கள் எல்லாரும் வரச்சொல்லுறாங்களே எண்டு சிவாஜி பாக்கப்போனன். இதில முக்கியமான விசயம் என்னெண்டா இந்தியாவில சிவாஜி திரையிட்ட அண்டே இங்க யாழ்ப்பாணத்திலயும் மனோகரா தியேட்டரில ஹவுஸ் வுல். நான் பாக்கப்போனது ஒரு கிழமை கழிச்சு 23ம் திகதி ஞாயிற்றுக்கிழமை (அப்பத்தானே நேரம் கிடைக்குது) கடைசி காட்சி பாக்க நானும் நண்பனுமா போனம். கடைசிக்காட்சியெண்டா 2.30 மணிக்கு, ஊரடங்கு காட்டின விளையாட்டு. முதற்காட்சி விடியக்காலம 7 மணிக்கு பிறகு 10.30க்காக்கும் கடைசி மத்தியான நேரம்.

முந்தி படத்துக்கு போறெண்டா (நான் அதிகமா படம் பாக்கிறதில்லை) ஒரு முப்பது பேர் மட்டில போவம் அண்டைக்கு ரெண்டு பேர்தான். எங்க ஒருத்தரும் யாழ்ப்பாணத்தில இல்லையே என்ன செய்யிறது. இன்னும் கொஞ்ச நாளில என்னோட படிச்ச ஆக்களில ஒருத்தரை யாழப்பாணத்தில தேடிக்கண்டுபிடிக்கிறெண்டா குதிரைக்கொம்பாத்தான் இருக்கும். இப்பயே ஒரு நாலு ஐஞ்சு பேர்தான் இருக்கினம். மிச்செல்லாரும் ஒண்டு கொழும்பில அல்லது வெளிநாட்டில.

போன அண்டு கூட்டத்துக்கு குறைவில்லை. சங்கக்கடையில மாவுக்கும் அரிசிக்கும் நிக்கிற கியூவ விடவும் பெற்றோல் எடுக்கிறதுக்கு பெற்றோல் ஸ்ரேசனில நிக்கிற கியூவை விடவும் பெரிய கியூ. ஒரு அறுநூறு எழுநூறு பேர் நிண்டமாதிரித்தான் இருக்கு. என்ர நண்பர் காலமயே ரிக்கற்றுக்கு சொல்லி எடுத்து வச்சிருந்தார். அதில ரிக்கற் எடுக்கிற பிரச்சனை இருக்கேல்ல. வழமையா நூறு ரூபா விக்கிற பல்கணி ரிக்கற் அண்டைக்கு நூற்றி அறுபது ரூபா. உள்ள போனா சனமெண்டா அப்படி ஒரு சனம். வழமையா நான் யாழ்ப்பாண தியேட்டர்களில பொம்பிளப்பிள்ளைகளை காணுறது குறைவு. சிவாஜி படத்துக்கு அரைவாசி பொம்பிளைகள் தான்.

படம் ஒண்டுமே விளங்கேல்ல. அவ்வளவு விசிலடியும் சத்தமும். கனகாலத்துக்கு பிறகு (ஏறத்தாள ஒரு வருடம்) ஒரு படம் எண்டா இப்பிடி தானே இருக்கும். பின்னுக்கு மொட்டை சிவாஜி வந்தாப்பிறகு படம் நல்லாயிருந்த மாதிரியிருந்துது. (எனக்கு படத்துக்கு விமர்சனம் சொல்லுற அளவுக்கு ஒண்டும் தெரியாது)

17 பின்னூட்டங்கள்:

அண்ணே,

எங்க ஊரு விசருகெள் பார்க்குங்கெள். உங்கட வெளிநாட்டில் உள்ளவைகெள் பணம் கொழுத்து பார்க்குதுகெள்.

யாழ்ப்பாணம் போன்ற போராடவேண்டிய பூமில கூடவா இந்த படத்தை பார்க்கணும். தமிழர்களின் வெட்கக்கேடு.

மறுமொழிந்தது

குட்டிபிசாசு, @ 10:55 AM

குட்டிப்பிசாசு வாங்க,

போராட்ட பூமியில இருந்து பார்க்கக் கூடாத அளவிற்கு இந்த படம் என்ன செய்திற்றுது???

வெளிநாட்டில இருக்கிறவை பணம் கொழுத்து படம் தான் பாக்குதுகள் எண்டு உங்களுக்கு எப்பிடி தெரியும்??

மறுமொழிந்தது

பகீ, @ 1:12 PM

என்ன பகீ நீங்க சொல்லறதைப்பாத்தா யாழ்ப்பாணத்தில சொல்லப்படுகிறமாதிரி பட்டினிச்சாவை மக்கள் எதிர்நோக்கேல்ல போல கிடக்கே. உலகம் முழுக்க நீங்க சாப்பாடில்லாம கஸ்டப்படுறியள் எண்டெல்லோ ஊர்வலம் உண்ணாவிரதமெல்லாம் நடக்குது.
*நான் இங்ங நீங்க என்று சொல்லுவது யாழ்ப்பாண மக்களைத்தான்...தனியே பகீ என்கிற நபரை மட்டுமல்ல...

மறுமொழிந்தது

த.அகிலன், @ 2:01 PM

யாழ்ப்பாணத்தில குண்டுகளுக்கும் வெள்ளை வானுக்கும் பயப்பட்டுக் கிடக்கிற சனத்துக்கு மூண்டு மணித்தியாலம் எண்டாலும் கொஞ்சம் சந்தோஷமாக இருக்க அருள் செய்த அந்த சிவாஜிக்கு எனது நன்றிகள்.

மறுமொழிந்தது

Anonymous, @ 2:37 PM

anne,

naan kurai sollale. kaasu adigamaa selavu saithu paarkum alavirku padaththil onnum sollum padi ille. kaasu adigamaa vachchi vikkuraange. uyirukku kashda paduravaikku payanpaduththalaamnu sonnen.

மறுமொழிந்தது

குட்டிபிசாசு, @ 2:59 PM

naan sonnathai purinthu konda agilan avarkalukku nandri!!

naan jaffna-la irukkire makkal kashtam padurange-nu thappa nenaichiten pola. vaazththukkal!!

மறுமொழிந்தது

குட்டிபிசாசு, @ 3:02 PM

யாழ்ப்பாணம் போன்ற போராடவேண்டிய பூமில கூடவா இந்த படத்தை பார்க்கணும். தமிழர்களின் வெட்கக்கேடு/////

அதென்னாய்யா போராட வேண்டிய பூமி? தப்பிபிழைக்க தெரிந்தவை இந்தியாவிலையும் கொழும்பிலையும் வெளிநாடுகளிலையும் (அவரவருக்கான கஸ்டங்களுடன்)பல்வேறு பொழுதுபோக்குக்களொடு சவாஜிக்காக அலைமோதாலாம் ஆனால் எந்த பொழுதுபோக்கும் அற்று உள்ள அந்த மக்கள் எப்போதும் மரணம் பற்றி நினைதுக்கொண்டு வாழவேண்டும் என்கிர அபத்தமான கருத்துகளை சொல்பவர் புரிந்து கொள்ள வேணும்.

உயர்பாதுக்கப்பு வலையத்துள் உள்ள நூலகம் முனியப்பர்கோப்வில், இப்போது புத்துருவாக்க முயற்சித்த சுப்பிரமணியம் பூங்கா என்று எதுவும் இல்லை. இந்த லட்சனத்தில் இருப்பதில் சந்தோசமடைவதற்கான வழியத் தேடுவதைத் தவிர வேறு என்ன.

மறுமொழிந்தது

சோமி, @ 5:21 PM

அப்பு அகிலன் சாபடில்லம கசஸ்டப் படுகினம்.அதுக்காக வந்திருகிற சிவாஜியப் பாக்க கூடாதெண்டில்லையப்பு.

95 க்கு பிறகு சாப்பாடு அனுபிறதில காட்டின கவனத்தை விட அரசு வேறு சில பொருட்களை அனூவதில்தான் அதிக கவன்ம் செலுத்தியது.

மறுமொழிந்தது

சோமி, @ 5:25 PM

யாழ்ப்பாணத்திற்குள் உணவை அனுப்ப மறுக்கின்ற சிங்கள அரசு "சிவாஜியை" அனுமதிக்கிறது. போராடும் இனத்தின் போர்க்குணத்தைக் குறைக்க எதை அனுப்ப வேண்டும், எதை அனுப்பக்கூடாது என்பதில் ஆக்கிரமிப்பாளர்கள் தெளிவாகத்தான் இருக்கிறார்கள்

மறுமொழிந்தது

வி.சபேசன், @ 11:00 PM

யாழ்ப்பாணத்தில் திரைப்பட ரசிகர்கள்
எல்லாக் காலமும் இருந்துள்ளார்கள்.
பட்டினி கிடந்தும் படம் பார்ப்போர், என்றும் இருந்துள்ளார்கள்.
இன்று இருந்தால் ஆச்சரியமில்லை.
அவர்களைப் படம் பார்க்கக் கூடாதெனக் கூற
நமக்கு அருகதையில்லை.
எல்லாவற்றையுமே அரசியலாக்கக் கூடாது.
இந்த அர்ப்ப சந்தோசத்தைக் கூட அவர்களுக்குக் கிடைக்கக் கூடாதென நினைப்பதில் நாயமில்லை.
இது சர்வாதிகாரம் மனப்போக்கு.

மறுமொழிந்தது

யோகன் பாரிஸ்(Johan-Paris), @ 12:05 AM

பகீ,
யாழ்ப்பாணத்துச் செய்தியைப் பகிர்ந்து கொண்டமைக்கு நன்றி.

இதுபோல, யாழ்ப்பாணத்தில் நடக்கும் அதேநேரம் பத்திரிகைகளில் வெளிவராத தகவல்களை உங்கள் பதிவுகளின் மூலம் தாருங்கள்.

மறுமொழிந்தது

வெற்றி, @ 12:20 AM

குட்டிபிசாசு சொல்லியிருந்தார்
" எங்க ஊரு விசருகெள் பார்க்குங்கெள். உங்கட வெளிநாட்டில் உள்ளவைகெள் பணம் கொழுத்து பார்க்குதுகெள்."
யாழ்ப்பாணம் போன்ற போராடவேண்டிய பூமில கூடவா இந்த படத்தை பார்க்கணும். தமிழர்களின் வெட்கக்கேடு ."

நான் யாழ்ப்பாணத்தை விட்டுவந்து ஒரு வருடமாகிறது ஆனாலும் சொல்லுறன்

அவர் ஒன்று தெரிஞ்சுகொள்ள வேண்டும்
---- யாழ்ப்பாணத்தமிழர்களின் வீரத்தை ஒருவரும் குறைக்கமுடியாதென்டு----

அநதக்காலத்தில "மன்மதராசா மன்மதராசா " பாடிக்கோண்டிருந்த மக்கள்தான் "பொங்குதமிழ் " என்டு ஒன்றை நடத்தி
தமிழ் மக்களின் பலத்தை வெளிக்காட்டினார்கள்

ஆகவே

பணிவுடன் கேட்டுக்கோள்கிறேன்
தெவையில்லாம தமிழ்மக்களை குறைத்து எடை போடவேண்டாம்

மறுமொழிந்தது

மாயா, @ 8:31 AM

//சோமி said...
அப்பு அகிலன் சாபடில்லம கசஸ்டப் படுகினம்.அதுக்காக வந்திருகிற சிவாஜியப் பாக்க கூடாதெண்டில்லையப்பு.//

மன்னிக்கோணும் சோமி ஐயா!உதுக்குள்ள நான் சிவாஜியைப் யாழ்ப்பாண சனம் பார்க்ககூடாது எண்டு சொன்னதெண்டு ஒரு பிட்டை சேர்த்துப்போடுறியள்... ஏன் ஏதேனும் தனிப்பட்ட கோபமோ... பகீ உங்களிற்கு விளங்குது தானே நான் அப்படி சொல்லேல்ல எண்டது.... அது சரி சோமி ஐயாவிற்கு இப்படி யுத்தவலைக்குள்ள மாட்டிக்கொண்ட அனுபவங்கள் ஏதும் இருக்கா என்ன.... இல்லை வெளியிலிருந்து தான் ஆதரவா எப்பவுமே....

மறுமொழிந்தது

த.அகிலன், @ 10:24 AM

இடது பக்கம் போட்டிருக்கர புத்தாண்டு வாழ்த்துப் பட்டைல உள்ள தமிழ் எழுத்துரு நல்ல இருக்கே. பெயர் என்ன? எங்கு கிடைக்கும்?

மறுமொழிந்தது

Anonymous, @ 1:26 PM

வன்னியில் தற்போதும் திரைப்படங்களுக்குத் தடையில்லை. சிவாஜி வெளியான மூன்றாம் நாள் முதல் வன்னிப் பகுதி மினி சினிமாக்களில் அரங்க நிறைந்த காட்சியாக சிவாஜி ஓடிக்கொண்டிருக்கிறது. ஐயா சபேசன் - யாழ்ப்பாணத்தில தான் அரசு போர்க்குணத்தை இல்லாதொழிக்கிறது. வன்னியிலுமா..? நாங்கள் தான் ஏதோ கூட அலட்டுறம் போல இருக்கு..

மறுமொழிந்தது

Anonymous, @ 5:38 PM

சிவாஜி படத்தை ஆர் பாக்கோணும் பாக்கக்கூடாதெண்டு பாக்கிறவைதான் தீர்மானிக்கவேணும்.

ஆனால், சபேசன் சொன்னதிலை இருக்கிற உண்மையை மறுக்கமுடியாது. செவிக்கும் கண்ணுக்கும் ஈய கொம்பியூட்டர் கிராபிக்ஸ் ரஜினியை அனுப்புற அரசுக்கு அரிசியை அனுப்ப ஏன் கஷ்டம்?

மறுமொழிந்தது

Anonymous, @ 11:50 PM

rajani ella tamil sanathitku enna seithavar.oru helpavathu seithavaree.penthu poi avarai thukki pidicu addureenka.pls kurajunko.

yalavan

மறுமொழிந்தது

Anonymous, @ 9:41 PM

பின்னூட்டம் ஒன்றை இட

செவ்வாய், ஜூன் 26, 2007

xcavator.net

நீங்கள் புகைப்படங்கள் மற்றும் கிராபிக்ஸில் ஆர்வம் உள்ளவரா? அப்படியானால் xcavator.net என்கின்ற இந்த தளம் உங்களுக்கு மிகுந்த பயனுள்ள தளாமாக இருக்கும். இதன் தேடுபொறி சில நிமிடங்களிலேயே உங்களுக்கு தேவையான படத்தினை தேடி தந்துவிடும். ஒருமுறை சென்று முயற்சி செய்துதான் பாருங்களேன்.

0 பின்னூட்டங்கள்:

பின்னூட்டம் ஒன்றை இட

திங்கள், ஜூன் 25, 2007

ஐபோன் கார்ட்டடூனில்

பரபரப்பாக எதிர்பார்க்கப்பட்டுக்கொண்டிருக்கும் அப்பிள் நிறுவனத்தின் ஐபோன் யூன் 21 ஆம் திகதியன்றைய Washington Post நாளிதளில் கார்ட்டூனாக வெளிவந்திருக்கின்றது. நீங்களும் பாருங்களேன்.

0 பின்னூட்டங்கள்:

பின்னூட்டம் ஒன்றை இட

ஞாயிறு, ஜூன் 24, 2007

Ask.com மீள்வடிவமைப்பு

ask.com ஆனது கேள்விகள் சார்பான தேடல்களுக்கு மிகவும் பெயர்பெற்றது. இப்போது அவ்விணையத்தளம் மிகவும் பயனாளர்களுக்கு இலகுவான முறையில் மீள்வடிவமைப்பு செய்யப்பட்டுள்ளது. சில புதிய வசதிகளும் சேர்க்கப்பட்டுள்ளன.

கீழே சில திரைவெட்டுக்களை பாருங்கள்.

0 பின்னூட்டங்கள்:

பின்னூட்டம் ஒன்றை இட

சனி, ஜூன் 23, 2007

வேர்ட்பிரசும்(wordpress) தமிழும்.

நான் எனது புதிய இணையமான aslibrary.org இல் வேர்ட்பிரஸ் (wordpress) இனை பயன்படுத்தி வருகின்றேன். இப்போது அதனது தமிழ் பதிப்பினையும் ஆரம்பிக்க ஆர்வமாக உள்ளேன் (பின்னூட்டங்களால் வந்த வினை). இதற்கு வேர்ட்பிரஸ் இணையத்தளத்தில் அதன் தமிழ் பதிப்பை தேடிய போது எனக்கு அது கிடைக்கவில்லை. இதில் ஆச்சரியம் என்னவெனில் இது பல்வேறு மொழிகளில் கிடைப்பது. ஒரு தமிழ் மொழி பேசுபர்கூட இவ்வளவு காலமும் இதில் ஆர்வம் கொள்ளவில்லை என்பது (என்னையும் சேர்த்து). சிலவேளைகளில் மொழிபெயர்ப்பு செய்தவர்கள் அதனை அவர்களது இணையத்தில் இணைக்காமல் இருக்கவும் கூடும்.

இதனை மொழிபெயர்ப்பு செய்ய முன்னர் உங்கள் எவரிடமாவது அதன் தமிழ் பதிப்பு இருந்தால் தயவு செய்து எனக்கு கொடுத்துதவுமாறு கேட்டுக்கொள்ளுகின்றேன். அல்லது அதனை பெறக்கூடிய இணைய முகவரிகள் ஏதாவது இருந்தால் தந்துதவவும்.

2 பின்னூட்டங்கள்:

பகீ, wordpress தமிழாக்க வேலை முறைப்படியே நடந்து வருகிறது. நீங்களும் இணைஞ்சுக்கலாம். ஏற்கனவே, மொழி பெயர்க்கப்பட்ட po கோப்புகள் அங்க கிடைக்கும். பார்க்க -

http://blog.ravidreams.net/?p=273

மறுமொழிந்தது

அ. இரவிசங்கர் | A. Ravishankar, @ 2:05 AM

ரவிசங்கர் வாங்க. தகவலுக்கு மிக்க நன்றி

மறுமொழிந்தது

பகீ, @ 11:07 AM

பின்னூட்டம் ஒன்றை இட

வியாழன், ஜூன் 21, 2007

simple CSS

வலைப்பதிவு வைத்திருப்பவர்கள் ஒரு முறையேனும் CSS கோப்புடன் அல்லது CSS நிரல்களுடன் போராடியிருப்பார்கள். நான் இணையத்தளங்களை வடிவமைக்கும் போது எனது அதிகப்படியான நேரத்தை எடுத்துக்கொள்பவை இந்த நிரல்கள்தான். ஆனால் இதற்கு தீர்வு வந்தாற்போல எனக்கு simple CSS என்கின்ற மென்பொருள் கிடைத்திருக்கின்றது.

இதனை நீங்கள் இலவசமாக தரவிறக்கி பயன்படுத்திக்கொள்ளலாம். இது வின்டோஸ், லினக்ஸ் மற்றும் மக் இயங்குதளங்கள் எல்லாவற்றிற்கும் கிடைக்கின்றது. இருந்தபோதிலும் வின்டோஸ் விஸ்ராவில் இயங்குவதில் சிறிய சிக்கல்கள் காணப்படுகின்றது.

இங்கே சொடுக்கி தரவிறக்கிக்கொள்ளுங்கள்.

0 பின்னூட்டங்கள்:

பின்னூட்டம் ஒன்றை இட

புதன், ஜூன் 20, 2007

வலைப்பதிவர்களுக்கு ஒரு வேண்டுகொள்

இணைய உலகின் தீவிர தமிழ் பாவனையாளர்கள் என்று தமிழ் வலைப்பதிவர்களை கூறலாம். தமிழ் சார் செயற்பாடுகள் எதனையும் இணையத்தில் செய்யும் போது தமிழ்வலைப்பதிவர்களின் உதவியின்றி அவற்றை சாதிக்க முடியாது என்பது என் எண்ணம். இப்பொழுது நான் தமிழ்மொழியில் அமைந்த ஒரு இணைய மென்பொருளை உருவாக்கி வருகின்றேன். இதன்போது சில குறிப்பிட்ட வசதிகளை அமைக்கும் போது இணைய உலாவிகளை கணக்கிலெடுக்கவேண்டிய தேவை உருவாகி உள்ளது.

இதனால் தமிழ் வலைப்பதிவாளர்களாகிய நீங்கள் தயவு செய்து நீங்கள் பயன்படுத்தும் இணைய உலாவியின் பெயரை வாக்களித்து உதவுமாறு தயவுடன் வேண்டுகின்றேன். (தயவு செய்து அதிக எண்ணிக்கையிலான வாக்குகள் கிடைக்க உதவுமாறு வேண்டிக்கொள்ளுகின்றேன்). முடிந்தால் வாக்களித்ததை பின்னூட்டத்தில் தெரிவித்து விடுங்கள்.

	Which browser are you mostly using to surf internet?
	Internet Explorer
	Firefox
	Opera
	Safari
	Others

Slot Machine

36 பின்னூட்டங்கள்:

ஒன்றுக்கு மேற்பட்ட வாக்குகள் அளிக்குமாறு வாக்கெடுப்பை மாற்றினால் பொருத்தமாக இருக்கும். நான் IE, Firefox ஆகியவற்றை மாற்றி மாற்றித் தேவை, இடத்துக்கேற்ப பயன்படுத்தி வருகிறேன். பெரும்பாலும், Firefox

மறுமொழிந்தது

அ. இரவிசங்கர் | A. Ravishankar, @ 10:46 PM

//இப்பொழுது நான் தமிழ்மொழியில் அமைந்த ஒரு இணைய மென்பொருளை உருவாக்கி வருகின்றேன்.//

Good luck.

I use Firefox

-Mathy

மறுமொழிந்தது

மதி கந்தசாமி (Mathy Kandasamy), @ 10:49 PM

internet explorer..
muthulakshmi

மறுமொழிந்தது

Anonymous, @ 11:00 PM

வாக்களித்துவிட்டேன். நான் IE, Firefox இரண்டையும் உபயோகிப்பவன். இதே போல் பலரும் இருக்கலாம். உங்கள் கேள்வி்யை 'அதிகமாக உபயோகிப்பது எது' என்று மாற்றலாமே.

மறுமொழிந்தது

MSATHIA, @ 11:39 PM

Sathia உங்கள் கருத்துக்கு நன்றி. மாற்றி விட்டேன். நான் உண்மையில் அவ்வாறு தான் எண்ணியிருந்தேன்.

மறுமொழிந்தது

பகீ, @ 12:06 AM

I.E

மறுமொழிந்தது

siva gnanamji(#18100882083107547329), @ 1:53 AM

Safari, Firefox & IE ( on occasions)

மறுமொழிந்தது

Vassan, @ 2:12 AM

என்ன மென்பொருள் எண்டு சொன்னால், உலாவிகள் தொடர்பாக ஆலோசனைகளையும் தரமுடியும். :)

மறுமொழிந்தது

Anonymous, @ 2:40 AM

bakee!
IE and Maxthon

மறுமொழிந்தது

யோகன் பாரிஸ்(Johan-Paris), @ 3:27 AM

Firefox
Occasionally IE and Opera

--Manian

மறுமொழிந்தது

மணியன், @ 12:05 PM

அன்னிக்கும், இன்னிக்கும், என்னிக்கும்
IE

Good luck Bro

மறுமொழிந்தது

கானா பிரபா, @ 12:21 PM

IE

மறுமொழிந்தது

துளசி கோபால், @ 12:59 PM

வாங்க ரவிசங்கர். உங்கள் பின்னூட்டத்திற்கு நன்றி. வேறு வேறு இணைய உலாவிகளை பயன்படுத்துமளவிற்கு உங்கள் தேவைகள் எவ்வாறு இருக்கின்றன என தயவு செய்து முடிந்தால் விளக்கமளிக்கவும்.

மறுமொழிந்தது

பகீ, @ 1:29 PM

மதி மற்றும் அனானி உங்கள் வருகைக்கும் பின்னூட்டங்களுக்கும் நன்றி

மறுமொழிந்தது

பகீ, @ 1:30 PM

வாசன் Safariஆ ??? நீங்கள் அப்பிள் கணனி வைத்திருக்கிறீர்களா?? அல்லது இப்போது வெளியாகி இருக்கும் வின்டோஸ் பதிப்பை சொல்கிறீர்களா??

உங்கள் வாக்கிற்கும் பின்னூட்டத்திற்கும் நன்றி

மறுமொழிந்தது

பகீ, @ 1:32 PM

வாக்க்ளித்துவிட்டேன்.நான் பயன்படுத்துவது IE

மறுமொழிந்தது

மாலன், @ 1:48 PM

//நான் IE, Firefox ஆகியவற்றை மாற்றி மாற்றித் தேவை, இடத்துக்கேற்ப பயன்படுத்தி வருகிறேன். பெரும்பாலும், Firefox //

ரிபிட்டே!

//வேறு வேறு இணைய உலாவிகளை பயன்படுத்துமளவிற்கு உங்கள் தேவைகள் எவ்வாறு இருக்கின்றன என தயவு செய்து முடிந்தால் விளக்கமளிக்கவும்.//
நான் உலாவிகளை மாற்றிக்கொள்ளுவது பெரும்பாலும் வலைப்பதிவுகளை படிக்கும் போது மட்டுமே.. சிலர் ஜஸ்டிபை செய்திருப்பதால் வாசிக்க இடையூறு இருப்பதால் அப்போது மட்டும் IE.
இல்லாவிட்டால் எப்போதுமே பயர்பாக்ஸ் தான். :)

முயற்சி வெற்றிபெற வாழ்த்துக்கள்.!

மறுமொழிந்தது

- யெஸ்.பாலபாரதி, @ 1:51 PM

IE

மறுமொழிந்தது

தருமி, @ 2:40 PM

தனி வலைத்தளம் மற்றும் சில முன்னனி தளங்களின் வலை நிர்வாகம் ஆகியவற்றில் அனுபவம் உள்ளவன் என்ற வகையில் உங்களில் வாக்குப் பதிவில் தற்போதுள்ள நிலவரம் தவறானது என்பது என் கருத்து.

நான் நிர்வகிக்கும் முன்னனி தளங்களின் வலைப்பயனர் புள்ளிவிவரப்படி சுமார் 20% Firefoxஉம், 70% IEயும், 10% மற்ற உலாவிகளையும் பயன்படுத்துகிறார்கள்.

மறுமொழிந்தது

தகடூர் கோபி(Gopi), @ 2:44 PM

IE, Firefox , இரண்டும் பாவி்ப்பதாயினும், அதிகம் IE தான்.

முயற்சிக்கு வாழ்த்துக்கள்.

மறுமொழிந்தது

மலைநாடான், @ 8:40 PM

நான் Internet Explorer தான் பயன்படுத்துகிறேன்...

மறுமொழிந்தது

ஜே கே | J K, @ 8:51 PM

அனானியா வந்தாலும் ஆலோசனை தருவதாக சொன்னதற்கு நன்றிகள். இருந்தாலும் எனக்கு தமிழ் பாவனையாளர்கள் விகிதம் தான் தேவைப்படுகின்றது.

யோகன் அண்ணா, மணியன் வருகைக்கும் பின்னூட்டத்திற்கும் நன்றி

மறுமொழிந்தது

பகீ, @ 10:01 PM

கானா பிரபா, வாங்க உங்கள் வாக்குக்கும் பின்னூட்டத்திற்கும் நன்றி.

இது ஒண்டும் சிவாஜி பாத்த விளைவில்லையே??????

மறுமொழிந்தது

பகீ, @ 10:03 PM

IE... முயற்சிக்கு வாழ்த்துக்கள்

மறுமொழிந்தது

மாயன், @ 10:17 PM

நான் ஸ்லிம் ப்ரவுசர் (Slimbrowser) பயன்படுத்துகிறேன். அது IE-ஐ அடிப்படையாகக் கொண்டதுதான். இருந்தாலும் IE-ஐ விட வேகமானது. Tabbed browsing-உம் உண்டு.

IE-க்காக உருவாக்கப்பட்ட அனைத்து மென்பொருள்களும் இதிலும் வேலை செய்யும்.

இங்கு சென்று இறக்கிக் கொள்ளலாம்: http://www.flashpeak.com/

இதைச் சொல்வதற்காக அவர்களிடம் நான் சத்தியமாக காசு வாங்கவில்லை.

மறுமொழிந்தது

வடிவேல், @ 10:20 PM

மேசைக்கணினி = விண்டோஸில் ஃபயர் ஃபாக்ஸ்

விண்' க்கான சஃபாரி உலாவியை கீழிறக்கி பார்த்தேன், பேடா வடிவத்தை. சரிவர வேலை செய்யவில்லை.

மடிக்கணினி = mac - சஃபாரி

[மடிக்கணினியில் யுனிகோட் தமிழ் எழுத்துக்களை இணைமதி எழுத்துரு கொண்டு கண்ணுறலாம். தமிழ் எழுத்துருக்களில் பார்த்து,படிப்பதற்கு அழகான எழுத்துரு, இணைமதி.]

மறுமொழிந்தது

Vassan, @ 7:00 AM

நான் Firefox,Opera இரண்டையும் பயன்யடுத்தி வருகிறேன் . . .
அதுவும் Portable (USB)

IE பக்கம் தலை வைப்பதேயில்லை

இனேகம் பேரின் நிலை இதுதான் . . . .
ஆதனால் இரண்டு வாக்குகளை இட ஏதாவது செய்தால் நல்லாயிருக்கும்

மறுமொழிந்தது

மாயா, @ 11:50 AM

பாலா,

சில வலைப்பதிவுகளில் justify பிரச்சினை இருப்பதால் அதற்கு மட்டும் IE பயன்படுத்துறதா சொல்லி இருந்தீங்க..இந்தப் பிரச்சினையை firefoxலேயே தீர்க்க முடியும்.

முதலில் இந்த greasemonkey நீட்சி நிறுவிக்கங்க - https://addons.mozilla.org/en-US/firefox/addon/748

அப்புறம் இங்க உள்ள scriptஅ நிறுவுங்க - http://userscripts.org/scripts/show/1480

பிரச்சினை சரியாகிடும். வழக்கமாக firefoxல் தமிழுக்கு வரும் சோதனைகளுக்குத் தீர்வு - http://microblog.ravidreams.net/?p=24

மறுமொழிந்தது

அ. இரவிசங்கர் | A. Ravishankar, @ 8:12 PM

பகீ - உலாவிகள் பயன்பாடு குறித்து higopi குறித்த புள்ளிவிவரங்கள் கிட்டத்தட்டத் துல்லியமானவை. தனித்தளத்தில் இருக்கும் என் தமிழ் வலைப்பதிவிலும் நான் பங்கு கொள்ளும் தமிழ்த் தளம் ஒன்றிலும் இதே அளவு புள்ளிவிவரங்களே பதிவாகி உள்ளன (IE - more than 60%, FF- around 20%, others - 10%). இந்த இடுகையில் உங்களுக்குக் கிடைக்கும் வாக்குகளை மட்டும் வைத்து முடிவெடுப்பது துல்லியமாக இருப்பது என்பது என் கருத்து.

Firefox நிறுவப்படாத அலுவலகக் கணினிகளில் IE பயன்படுத்துவது. பெரும்பாலும் FF தான். சில பழங்காலத்துத் தமிழ்த் தளங்கள் IEஐ மட்டும் கருத்தில் கொண்டு வடிவமைக்கப்பட்டிருக்கும். அப்போதும் வேறு வழி இல்லாமல் IE பயன்படுத்துவதுண்டு.

மறுமொழிந்தது

அ. இரவிசங்கர் | A. Ravishankar, @ 8:15 PM

துளசி கோபால், மாலன், தருமி உங்கள் வருகைக்கும் வாக்குகளுக்கும் நன்றி.

மறுமொழிந்தது

பகீ, @ 10:22 PM

//இப்பொழுது நான் தமிழ்மொழியில் அமைந்த ஒரு இணைய மென்பொருளை உருவாக்கி வருகின்றேன்.//

வாழ்த்துக்கள்
நான் பயன்படுத்துவது IE 7

மறுமொழிந்தது

ILA (a) இளா, @ 10:23 PM

பகீ,
வாக்கு போட்டாச்சு.
நான் பாவிப்பது IE.

ஆட்சேபனை இல்லையெனின் என்ன மென்பொருள் செய்கிறீர்கள் என்று சொல்ல முடியுமா? சொன்னால், பலரும் உங்களுக்கு உதவ, ஆலோசனைகள், கருத்துக்கள் சொல்வார்களல்லவா.

உங்களின் முயற்சி வெற்றி பெற வாழ்த்துக்கள்.

நன்றி.

மறுமொழிந்தது

வெற்றி, @ 2:41 AM

கோபி உங்கள் தகவலுக்கு நன்றி. மலைநாடான், JK உங்கள் வருகைக்கும் வாக்குகளுக்கும் நன்றி

மறுமொழிந்தது

பகீ, @ 11:10 AM

மாயன், மாயா வருகைக்கும் வாக்குகளுக்கும் நன்றி.

வாசன், வடிவேல் உங்கள் பயனுள்ள தகவல்களுக்கு நன்றி.

மறுமொழிந்தது

பகீ, @ 11:13 AM

ரவிசங்கர் வாங்க, உங்கள் மிகப்பயனுள்ள தகவல்களுக்கு மிக்க நன்றி.

இளா வாழ்த்துகளுக்கு நன்றி

வெற்றி நிச்சயமாக சொல்ல முடியும். ஆனால் அதனை சிறிது காலத்தின் பின் சொல்ல எண்ணியுள்ளேன்.

உங்கள் வாக்குகளுக்கு நன்றிகள்.

மறுமொழிந்தது

பகீ, @ 11:16 AM

நான் IE உபயோகிக்கிறேன்..

வாழ்த்துக்கள்..!!

மறுமொழிந்தது

கவிதா | Kavitha, @ 3:17 PM

பின்னூட்டம் ஒன்றை இட

ஐபோன் இணைய உலாவி

மிகவும் எதிர்பார்க்கப்படுகின்ற ஐபோன் கணினிகள் கொண்டிருக்கின்ற வசதிகளை கொண்ட safari இணைய உலாவியை கொண்டிருக்கு என அறிவிக்கப்பட்டுள்ளது. அது என்னென்ன வசதிகளை கொண்டிருக்கும் என Macrumors வரிசைப்படுத்தி உள்ளது. அத்தோடு அது என்ன விதமான மட்டுப்பாடுகளை கொண்டிருக்கும் எனவும் வரிசைப்படுத்தப்பட்டுள்ளது.

மட்டுப்பாடுகளை மட்டும் கீழே பாருங்கள்.

10MB max html size for web page
Javascript limited to 5 seconds run time
Javascript allocations limited to 10MB
8 documents maximum loaded on the iPhone due to page view limitations
Quicktime used for audio and video

மேலதிக தகவல்களுக்கு இங்கே வாருங்கள்.

0 பின்னூட்டங்கள்:

பின்னூட்டம் ஒன்றை இட

செவ்வாய், ஜூன் 19, 2007

அட..............

இந்த வியக்க வைக்கும்படியாக எடுக்கப்பட்ட புகைப்படங்கள் உங்களுக்கு சிலவேளைகளில் புகைப்படம் எடுக்கும் ஆர்வத்தை தூண்டக்கூடும். வந்து பாருங்கள்.

3 பின்னூட்டங்கள்:

அந்த பைஸா கோபுரத்துக்கு முன்னாலெ ஒரு போட்டோ பாயிண்ட் இருக்கு. நம்ம 'டூர் கைடு'
சொல்லுவார். அங்கெ நின்னு நாங்களும் கோபுரத்தைத் தள்ளி இருக்கோம்:-)

மறுமொழிந்தது

துளசி கோபால், @ 5:50 AM

அட அப்பிடி வேற இருக்குதா??

மறுமொழிந்தது

பகீ, @ 10:08 AM

:-))நல்லா இருக்கு.

மறுமொழிந்தது

குமரன் (Kumaran), @ 11:48 AM

பின்னூட்டம் ஒன்றை இட

ஞாயிறு, ஜூன் 17, 2007

YouTube in Mobile

இனிமேல் நீங்கள் தினமும் சென்று பார்க்கும் Youtube தளத்தினை உங்கள் கைப்பேசியிலேயே கண்டு களிக்கலாம். அத்தோடு உங்களுக்கு விரும்பிய வீடியோக்களை 3g வடிவில் தரவிறக்கியும் கொள்ளளலாம். முகவரி : http://m.youtube.com

உடனே அவசரப்பட்டு செல்லாமல் உங்கள் data plan இனை unlimited ஆக மாற்றி விட்டு செல்லுங்கள் இல்லையேல் வீட்டை விற்றுத்தான் கைப்பேசி பில் கட்ட வேண்டி வரும். இதனை அவர்களே அவர்களது முற்பக்கத்தில் சொல்கின்றார்கள்.

0 பின்னூட்டங்கள்:

பின்னூட்டம் ஒன்றை இட

சனி, ஜூன் 16, 2007

சிறுத்தை களத்தில்

மிக நீண்ட காலமாக (ஏறத்தாள ஒரு வருடம்) எதிர்பார்த்திருந்த சிறுத்தை இப்பொழுது களத்திற்கு வந்துள்ளது. அப்பிள் நிறுவனம் தனது இயங்கு தளத்தின் பிரதான பதிப்பான Mac OSX 10.5 இனை வெளியிட்டுள்ளதோடு அதற்கு ஏற்றாற்போல் தனது இணையத்தளத்தினையும் மீள் வடிவமைப்பு செய்துள்ளது.

ஆர்வமுள்ளவர்கள் அப்பிள் இணைத்தளத்திற்கு சென்று மேலதிக தகவல்களை அறிந்து கொள்ளுங்கள்.

0 பின்னூட்டங்கள்:

பின்னூட்டம் ஒன்றை இட

வெள்ளி, ஜூன் 15, 2007

AS Library.org

நீண்ட காலமாக flash மற்றும் Flex சம்பந்தமான எனது இணையத்தளத்தை ஆரம்பிக்க வேண்டு என்று எண்ணி வந்தேன் (ஏறத்தாள 5 வருடங்கள்). எனது இந்த ஊரோடி வலைத்தளத்தை ஆரம்பித்த போது கூட எனது முதலாவது பதிவில் இதனை குறிப்பிட்டிருந்தேன். இப்பொழுதுதான் அதனை ஆரம்பிக்க முடிந்துள்ளது. இன்னும் நிறைய வேலைகள் பாக்கி உள்ளது.

வருகை தந்து பாருங்கள்.

6 பின்னூட்டங்கள்:

பகீ
ஆர்வத்துடன் எதிர்பார்க்கிறேன்.
எனக்கு இது தொழில் இல்லை என்றாலும் தெரிந்துகொள்ள வேண்டும் என்ற வேட்கை உண்டு.
இதை உங்கள் வலைப்பக்கத்தில் போட்டால் பிழைச்செய்தி வருகிறது.
அங்கு ஆங்கிலம் மட்டும் தான் அனுமதிக்குமா?

மறுமொழிந்தது

வடுவூர் குமார், @ 6:42 AM

வடுவூர் குமார் உங்கள் வருகைக்கும் பின்னூட்டத்திற்கும் நன்றி. நான் இதனை ஆங்கில பதிவாகவே உருவாக்கி இருப்பதனால் தமிழ் தொடர்பாக பரிசோதிக்கவில்லை. நான் ஆங்கிலத்திலேயே பின்னூட்டங்களையும் அங்கு எதிர்பார்க்கின்றேன்.

நன்றி

மறுமொழிந்தது

பகீ, @ 4:06 PM

ஆனாலும் தமிழை எதிர்பார்க்கிறோம் . . .

மறுமொழிந்தது

மாயா, @ 12:18 PM

ஏன் ஆனாலும் அப்பிடி எதிர்பாக்கிறீங்க?? ஒரு ஆங்கில பதிவில நான் ஒரு போதும் தமிழை இணைக்க விரும்பவில்லை.

உங்கள் ஒத்துளைப்புக்கு நன்றி மாயா.

மறுமொழிந்தது

பகீ, @ 10:10 AM

பகீ,
உங்கட முயற்சிக்கு வாழ்த்துக்கள். ஆனால் ஆங்கிலத்தில் actionscript பற்றி எழுதுவதற்கும், வாசிப்பதற்கும் பல இணையத்தளங்கள் இருக்கு. உங்கள் போன்ற இளைஞர்கள், குறிப்பாக இப்படியான இணையம் சார் தொழில்நுட்பம் அறிந்தவர்கள் - கற்றுத்தேர்ந்தவர்கள் - அவற்றை முடிந்தளவு தமிழில் அறியத் தந்தால் இன்னும் பயனுள்ளதாக இருக்கும் என நம்புகிறேன். நானும் java - as - html - css - php போன்றவை பற்றி தமிழில் எழுதவேணும் எண்டு அடிக்கடி நினைப்பதுண்டு. நமது அன்றாட வேலைகளில் அவற்றுக்கான நேரம் ஒதுக்கமுடிவதில்லை. உங்கள் போன்றவர்கள் அதை செய்வார்கள் என்றால் மிகவும் வரவேற்கத்தக்கது. ஆங்ககிலப்பக்கத்தை இயக்கும் அதேநேரத்தில் தமிழிலும் இப்படியான முயற்சியை மேற்கொள்ளுவீர்கள் என நம்புகிறேன். மீண்டும் உங்கள் முயற்சிக்கு வாழ்த்துக்கள்.

- அருண்

மறுமொழிந்தது

Anonymous, @ 2:52 AM

யாழிலை இருந்து கலக்கிறியள், வாழ்த்துக்கள்
எதுக்கும் மின்சாரப் பெருமானுக்கும், இணையக்கடவுளுக்கும் பிரார்த்தனை செய்து அவை தொடர்ந்தும் கருணை காட்டவேண்டும் என்று வழிபடுவோமாக.

மறுமொழிந்தது

கானா பிரபா, @ 12:40 PM

பின்னூட்டம் ஒன்றை இட

புதன், ஜூன் 06, 2007

கதைக்கும் கடதாசி

மத்திய சுவீடன் பல்கலைக்கழகத்தை சேர்ந்த ஆராய்ச்சியாளர்கள் ஒரு புதியவகையான டிஜிடல் கடதாசியினை உருவாக்கி உள்ளார்கள். இவை தாங்களே பேசக்கூடியவை. இவற்றில் நீங்கள் தொடுவதன் மூலம் அவற்றில் எழுதப்பட்டுள்ளவை (அச்சிடப்பட்டுள்ளவை) ஒலியாக எமக்கு கேட்கும்.

மேலதிக தகவல்களுக்கு பிபிசி இணையத்தின் இப்பக்கத்தை பாருங்கள்.

0 பின்னூட்டங்கள்:

பின்னூட்டம் ஒன்றை இட

செவ்வாய், ஜூன் 05, 2007

ஐபோன் வெளியாகிறது

அறிவிக்கப்பட்டு நீண்டகாலமாக வருகிறது வருகிறது என்று சொல்லப்பட்டுவந்த ஐபோன் வருகின்ற 29 ஆம் திகதி பாவனைக்கு வருகின்றது என்று உத்தியோகபூர்வமாக அறிவிக்கப்பட்டுள்ளது. (BBC News)

ஐபோன் பற்றிய எனது ஏனைய பதிவுகள்.

http://oorodi.blogspot.com/2007/01/f.html
http://oorodi.blogspot.com/2007/02/iphone.html

0 பின்னூட்டங்கள்:

பின்னூட்டம் ஒன்றை இட

ஞாயிறு, ஜூன் 03, 2007

தெய்வம் எல்லோர் சித்தத்தினு முண்டு

யோகர் சுவாமி அருளிச்செய்த நற்சிந்தனையில் வரும் பாடல் இதுவாகும்.

தெய்வம் எல்லோர் சித்தத்தினு முண்டு
உய்யும் மார்க்கம் உணர்ந்தோர்க் குண்டு
பொய்யும் பொறாமையும் புன்மையோர்க் குண்டு
ஐயன் அடியிணை அன்பர்க் குண்டே

கல்லா தார்பாற் கபட முண்டு
எல்லா ரிடத்து மீச னுண்டு
வில்லா ரிடத்தில் வீத்தொழில் உண்டு
எல்லாச் சக்தியும் இறைபால் உண்டே

தேடுவார் மாட்டுச் செல்வம் உண்டு
தேடுவார் மாட்டுத் தெய்வம் உண்டு
நாடுவார் மாட்டு நன்மை உண்டு
பாடுவார் மாட்டுப் பரமன் உண்டே

சீவன் சிவனெனல் தேறினோர்க் குண்டு
ஆவதும் அழிவதும் அசடர்க் குண்டு
ஈவது விலக்கார்க் கெல்லா முண்டு
தேவ தேவன் திருவடி உண்டே

அன்பு சிவமெனல் அறிஞர்க் குண்டு
பொன்புரை மேனி புனிதர்க் குண்டு
தன்போற் பிறரெனல் தக்கோர்க் குண்டு
விண்போல் விரிவு மேலோர்க் குண்டே

வீத்தொழில் - கொல்லுந்தொழில்

2 பின்னூட்டங்கள்:

பகீ!
அருமையான பாடல், இறையியல்பை
எவ்வளவு இலகுவாகச் சொல்லியுள்ளார்.
இலகுதமிழ் கவியாக..
தொடர்ந்திடவும்.
நன்றி

மறுமொழிந்தது

யோகன் பாரிஸ்(Johan-Paris), @ 4:23 AM

ஆமாம் யோகன் அண்ணா..

நிச்சயமாக நல்ல பாடல்கள் அகப்படும் போது பதிவிடுகின்றேன்.

உங்கள் வருகைக்கும் பின்னூட்டத்திற்கும் நன்றி.

மறுமொழிந்தது

பகீ, @ 10:13 AM

பின்னூட்டம் ஒன்றை இட