8 மில்லியன் பயனாளர்களுக்கு மேலதிகமாக நானும் இப்ப உபுந்துவை பயன்படுத்த தொடங்கிற்றன். நண்பர் ஒருவரிடமிருந்து இறுவட்டு கிடைச்சுது. முகப்பில் "உபுந்து - மனிதர்களுக்கான இயங்குதளம்" வாசகம் (அப்ப இவ்வளவு காலமும் நான் பாவிச்ச மான்ட்ரேவ்?????). சரி என்னதான் இருக்கெண்டு பாப்பம் எண்டு நிறுவியதில இப்ப நானும் ஒரு பயனாளர் ஆகிட்டன்.



பாவிச்சு பாத்த இரண்டு நாளில எனக்கு தெரிஞ்ச நல்லதுகள்.

• வழமைபோல இலவசம் (பதிஞ்சு விட்டா இறுவட்டு வீட்டுக்கே இலவசமா அனுப்பி வைப்பினமாம்)
• சுகமான add/remove softwares கருவி (வேணுமெண்டா வேற லினிக்ஸ் இயங்குதளத்திலயும் நிறுவலாம்)
• மேம்படுத்தப்பட்ட gnome gui. (வழமையா பாவிச்சது KDE தானே)
• உபுந்துவுக்கான ATI VGA driver.
• அனேகமான வன்பொருட்களுடன் ஒத்திசைதல். (மான்ட்ரேவ், நொப்பிக்ஸ் இதுகளும் ஒத்திசையுதுதான்)
• அபி வேர்ட், ஓபின் ஒவ்வீஸ், நெருப்பு நரி எல்லாம் இதோடயே வருகுது. (மற்றதுகளிலயும்தான்).
• எல்லாவகையான ADSL மொடங்களையும் அடையாளப்படுத்தி தானே நிறுவிக் கொள்ளல்.
• மேம்படுத்தப்பட்ட Disk manager, My computer.
• plug and play devices உடன் மிகுந்த ஒத்திசைவை காட்டல்.

எனக்கு வந்த பிரச்சனைகள்.

• என்ர மொடத்தை (Motorola) மற்ற லினிக்ஸ் இயங்குதளங்கள் மாதிரியே கண்டுகொள்ளாமலே விட்டுட்டுது. மான்ட்ரேவுக்காவது driver இருந்துது. இன்னும் configure பண்ணி முடியேல்ல இப்பதான் linmodems க்கு போயிருக்கிறன். ஆருக்காவது தெரியுமெண்டா சொல்லுங்கோ. (சுகமான வழி)
• wvdial சரிவரமாட்டன் எண்டுது.
• windows partition க்க போறதுக்கு தலைகீழா நிக்க வைச்சிட்டுது. ஒரு மாதிரி இப்ப உள்ள போயிட்டன். (terminal ஐ பாவிக்க வைச்சிட்டுது)

இப்பதானே பாவிக்க தொடங்கியிருக்கிறன். போகப்போக ஏதாவது புதுசா கண்டா உங்களுக்கும் சொல்லுறன். (கூகிள் உபுந்துவோட சேந்து மலிவான கணினிகளை விக்கப்போகுது எண்டும் கேள்விப்பட்டன் உண்மையோ தெரியேல்ல) உங்களுக்கும் ஏதாவது அனுபவமிருந்தா பின்னூட்டமா போடுங்கோவன்.